Forsíða Lífið Sigríður skilur ekki nýjustu foreldrastatusana – „Er það ekki lágmarkskrafa að við...

Sigríður skilur ekki nýjustu foreldrastatusana – „Er það ekki lágmarkskrafa að við gerum ekki grín að þeim“

Hún Sigríður Guðmarsdóttir skrifaði opnu Facebook færsluna hér fyrir neðan þar sem hún lýsir undrun sinni á foreldrastatusum sem hún hefur verið að sjá í kjölfarið á verkfalli skólabarna.

Margir vinir mínir eru að deila foreldrastatusum þar sem loftslagsverkfall skólabarna er haft í flimtingum og krökkunum bent á fríðindi sem foreldrarnir geti tekið af þeim í kjölfarið, t.d.að taka af þeim vikupeningana. Mér finnst hryggilegt að sjá fullorðið fólk gera grín að réttindabaráttu barna. Þau eiga að taka við jörðinni og rétta við það sem við höfum eyðilagt. Er það ekki lágmarkskrafa að við gerum ekki grín að þeim eða hótum þeim á meðan?

Við hjá menn.is þurftum ekki að leita lengi áður en við fundum svona færslu, en þessi var þó í íslenskum brandarahóp á Facebook:

Kæru mótmælandi börn!

Þar sem þið berjist fyrir loftslagsmálum af svona mikilli einurð er rétt að við foreldrar tökum þátt i þessu með ykkur og hér eftir verður eftirfarandi aðgerðum komið í framkvæmd:

Þið labbið, hjólið eða takið strætó í skólann, íþróttaiðkunina eða annað það sem þið þurfið að komast.

Við minkum við ykkur vikupeninga svo minna sé hægt að eyða í sælgæti og annan óþarfa.

Utanlandsferðum og öðrum óþarfa ferðalögum, þar sem flugvéla er krafist, verður hætt með öllu.

Hér eftir verður eingöngu boðið upp á gönguferðir í næsta nágreni bæjarfélagsins sem þið búið í.

Að sjálfsögðu með nesti, heimasmurt brauð og hið rómaða íslenska vatn.

Endurnýjun á farsímum verður sett veruleg takmörk , aðeins endurnýjað á 4 ára fresti, ef brýna nauðsyn ber til og notkunarreglur verða svo hertar til muna.

Krafist verður að þið nýtið fötin ykkar lengur og farið vel með annað það sem þið nú þegar hafið.

Sturtuferðum á heimilinu og öðrum venjulegum þrifnaði verður að stilla í hóf og gæta þess að nota ekki mikið sjampó eða annan hættulegan efnafarða svo sem andlitskrem og ámóta óþarfa.

Stilla verður í hóf allri tölvunotkun þar sem endurnýjun á þessu hættulegu hlutum stuðlar að mikilli orku- og auðlindanotkun og óþarfa vöku frameftir öllu með tilheyrandi heilsuleysi sem íþyngir samfélaginu seinna meir.

Vona að þið kæru mótmælendur og verðandi stjórnendur og þegnar þessa lands, takið þessum aðgerðum fagnandi.

Við foreldrar ykkar styðjum ykkur heilshugar!

 

Hvað finnst ykkur um málið? Eruð þið sammála Sigríði?

Miðja