Forsíða Húmor Nú hefur Báru PLOTTIÐ svo sannarlega fitnað – Þetta er það sem...

Nú hefur Báru PLOTTIÐ svo sannarlega fitnað – Þetta er það sem okkur hefur yfirsést!

Karl Ágúst Úlfsson skrifaði Facebook færsluna hér fyrir neðan þar sem að hann bendir fólki á það sem því hefur yfirsést í Báru plottinu. 


Ef þið sjáið ekki textann á myndinni þá er þetta það sem Karl Ágúst skrifaði:

PLOTTIÐ FITNAR:
Nú vitum við að Bára beitti fólskufullum aðferðum við að koma Miðflokksfólki á kaldan klaka. Sem sá blekkingameistari sem hún er klæddist hún dulargervi erlends ferðamanns, sem var svo vel heppnað að þingmennirnir drukku sig á rassgatið á vinnutíma, létu út úr sér alls kyns óhroða sem þeim hafði aldrei dottið í hug áður, misstu minnið í 36 klukkustundir, afklæddust og týndu fötunum sínum.

ÞAÐ SEM OKKUR HEFUR YFIRSÉST FRAM AÐ ÞESSU:
Vitaskuld var það líka Bára sem stal fötunum hans Gunnars Braga. Nú gengur hún í þeim inni á háttvirtu Alþingi, sem sagt dulbúin sem Gunnar Bragi, gerir hann að fífli og aflar honum áframhaldandi óvildar í öllum hornum. Það eru engin takmörk fyrir undirferlinu.