Forsíða Lífið Lögreglan varar við „verktökum“ sem SVINDLA á fólki – Ekki taka við...

Lögreglan varar við „verktökum“ sem SVINDLA á fólki – Ekki taka við svona tilboði!

 

Lögreglan á Norðurlandi eystra varar við „verktökum“ sem eru að svindla á fólki í Facebook færslunni hér fyrir neðan.

Það virðist því vera öruggast að taka ekki við svona tilboði:


Góðan daginn gott fólk.
Nú var okkur að berast ábending um grunsamlegt hátterni, þar sem við teljum að verið sé að reyna að svíkja fé út úr fólki. Samkvæmt ábendingunni er um að ræða enskumælandi menn, sem segjast vera verktakar við malbikun. Þeir segist eiga afgangs malbik og bjóða fólki að malbika innkeyrslur eða plön gegn hagstæðu gjaldi. Við viljum beina því til ykkar að ef þið fáið slík tilboð að hafa varann á og gá að því að það sé ekki verið að svíkja ykkur. Við tökum fram að enn hefur ekki orðið vart við þessa ,,verktaka“ á Norðurlandi en vildum gjarnan fá að vita af því ef fólk fær tilboð af þessu tagi.
Góðar stundir.