Forsíða Lífið Lögreglan á Norðausturlandi segir fólki að LEGGJA á og hlýða engu!

Lögreglan á Norðausturlandi segir fólki að LEGGJA á og hlýða engu!

Lögreglan á Norðausturlandi setti þessa færslu á Facebook þar sem hún varar við bíræfnum þjófum sem séu að stunda svikabrögð. 

Ef að einhver hringir í þig og tilkynnir sig sem starfsmann Microsoft þá er um að gera að hlýða engu og leggja sem fyrst á:

Eitthvað hefur borið á því á síðustu dögum að fólk hafi fengið símtöl erlendis frá þar sem viðkomandi kynnir sig sem starfsmann Microsoft og að gera þurfi við öryggisgalla í Windows-stýrikerfinu. Þeir ætlast til þess að fólk fari í tölvu sína og geri þar ákveðna hluti samkvæmt fyrirmælum þeirra. Þarna eru svik í tafli þar sem markmiðið er að utanaðkomandi nái stjórn á tölvunni, oft í glæpsamlegum tilgangi. Þeir sem lenda í þessu eru beðnir um að leggja sem fyrst á og hlýða engu af því sem lagt er fyrir þá að gera. Það skal áréttað að Microsoft-fyrirtækið notar aldrei þá aðferð að hringja í fólk til að tilkynna og gera við öryggisgalla.

Miðja