Forsíða Lífið Leigufélögin HÆKKA leiguna langt umfram verðbætur á milli ára – „Hinn valkosturinn...

Leigufélögin HÆKKA leiguna langt umfram verðbætur á milli ára – „Hinn valkosturinn er gatan!“

Ragnar Þór Ingólfsson, formaður VR, skrifaði Facebook færsluna hér fyrir neðan. 

Þar vitnar hann í tölvupósta sem fólk hefur sent honum, afrit af samskiptum við leigufélögin, sem eru enn og aftur að hækka leiguna langt umfram verðbætur á milli ára.

Nú er Almenna leigufélagið/Gamma/Kvika byrjað að senda sína árlegu hugvekju til viðskiptavina sinna eins og þeir gerðu fyirr 12 mánuðum, 24 mánuðum og 36 mánuðum síðan. Í þetta skipti fékk ég sent afrit af tölvupóstsamskiptum þar sem þeir bjóða „nýjan“ leigusamning sem hækkar um 20 þúsund krónur á mánuði umfram verðbætur á milli ára. Það er ljóst að krafan um 42.000 kr. Launahækkun mun varla duga til að standa undir þessum eina kostnaðarlið hjá þessari fjölskyldu.

Fjölskyldan hefur 4 daga til að svara. Hinn valkosturinn er gatan!

Eru það það kröfur verkalýðshreyfingarinnar sem eru svona sturlaðar eða samfélagið sem við búum í?

Enn og aftur hvet ég alla þá sem eru á leigumarkaði til að senda okkur afrit af tölvupóstsamskiptum sínum við leigusala sem eru að hækka húsaleigu langt umfram það sem eðlilegt er.
Vinsamlega sendið á [email protected] fullum trúnaði heitið.

Við munum ekki taka þessu ofbeldi þegjandi og hljóðalaust.

Miðja