Forsíða TREND Kara Kristel sat 18 ára gömul hjá lækni sem sagði hún væri...

Kara Kristel sat 18 ára gömul hjá lækni sem sagði hún væri ólétt – „Sorry en hvað er egglos?“

Kara Kristel skrifaði pistil á bloggsíðu sína – þar sem hún segist hafa fengið þær fréttir að hún væri ólétt. Það virtist orsakast af egglosi – en það er flókin formúla sem felst í að reikna slíkt út – en egglos er partur af því að valda óléttu hjá konum. Hér má lesa það sem hún segir.

Hvað er egglos? Í alvöru, ég sat inni í herbergi með lækni, 18-19 ára, að fá þær fréttir að ég væri ólétt. Og það fyrsta sem hún spyr mig er hvenær ég var seinast á blæðingum. Svo kemur hún með einhverja óskiljanlega reikniformúlu um hversu langt ég var gengin, og nefnir að ég hafi orðið ólétt á egglosi.

Sorry en hvað er egglos? Ég veit að ég er ekki heimsk, flestar vinkonur mínar sem hafa líka verið óléttar höfðu ekki hugmynd um hvað egglos væri. Það er ekki kennt í skólum? En þegar maður veit hvað það er þá meikar það mikinn sens. Og meikar eiginlega ekki sens að þetta sé ekki kennt.

Egglos á sér oftast stað í miðjum tíðahring, gróflega reiknað 2 vikum eftir fyrsta dag seinustu blæðinga, 2 vikum fyrir næstu blæðingar. Þegar egglosið er eru langmestu líkurnar á því að verða ólétt, því eggið vill frjóvga sig. Það eru nokkrir dagar til og frá sem eru hættudagar, því sæði getur auðvitað lifað í nokkra daga inni í manni. Ef eggið frjóvgast ekki þá byrja blæðingar.

Þetta hljómar svo basic, allir ættu að vita þetta, en það er bara ekki raunin.

Eflaust margir sem lesa þetta og hugsa, þvílíka vitleysan að vita ekki hvað egglos er.
En er það í alvöru vitleysa? Er þetta kennt? Fæðumst við bara með þessa vitneskju?

Ég vil taka það fram að ég er ekki neinn sérfræðingur, ég vill bara að allar stelpur sem eru kynþroska læri um þetta. Ég sjálf sökk mér ofan í lestur um þetta á sínum tíma, mér fannst magnað að ég vissi þetta ekki.

Ég vona að kynfræðslur grunnskóla á Íslandi séu orðnar skárri en þær voru þegar ég var, en mig grunar að það sé ekki málið. Hver ber ábyrgð á að fræða?