Forsíða Uncategorized Íslenska lögreglan VARAR við þessu svindli – Svindlarar þykjast vera þínir nánustu...

Íslenska lögreglan VARAR við þessu svindli – Svindlarar þykjast vera þínir nánustu Facebook! – MYND

Lögreglan á Höfuðborgarsvæðinu sendi þessa viðvörun út á Facebook-síðu sinni – þar sem svindlarar hafa verið að reyna að fá millifærslur inn á reikninga – með því að þykjast vera vinir eða skyldmenni.

Ástæða er til að vara fólk við nýjustu svikatilraununum sem koma inn á borð til lögreglu.

Fólk fær senda beiðni í gegnum Facebook frá td. ættingjum, gömlum kunningjum eða jafnvel nánast ókunnugu fólki um að fá upplýsingar um reikningsnúmer og kennitölu til að leggja pening á reikning viðkomandi. Síðan á hann að millifæra fjármunina aftur til baka á þann sem sendir beiðnina eða einhvern annan.
Skilaboðin eru á þá leið að viðkomandi segist vera í vandræðum, jafnvel í útlöndum og að það séu einhver tæknileg vandræði með debetkortið, heimabankann eða millifærslur.
Það sem gerist síðan er að millifærslan sem kemur á reikninginn er í raun smálán sem tekið er í nafni reikningseiganda.
Það er afar mikilvægt að fólk fari varlega í öllum slíkum viðskiptum og gefi ekki upp reikningsnúmer eða millifæri ekki á aðra nema að vera alveg viss um að viðskiptin séu traust.