Forsíða Bílar og græjur Hann keyrði næstum tvö börn NIÐUR fyrir framan Kársnesskóla – Móðir þeirra...

Hann keyrði næstum tvö börn NIÐUR fyrir framan Kársnesskóla – Móðir þeirra lætur hann heyra það!

Börnin hennar Melissu Auðardóttur voru næstum því keyrð niður fyrir framan Kársnesskóla í gær.

Melissa skrifaði honum þessa orðsendingu – sem nær vonandi til fleiri en bara hans.

Ef þú ert karlmaður á miðjum aldri á svörtum bíl og tókst fram úr strætó sem var stopp til að hleypa börnunum mínum (6 og 10 ára) yfir götuna á gangbraut fyrir framan Kársnesskóla fyrir ca.30 mínútum og rétt náðir að hemla áður en þú keyrðir þau niður vona ég að þér hafi brugðið jafn mikið og þeim og hugsir þig tvisvar um áður en þú gerir svona aftur.
Við reynum að kenna börnum okkur umferðareglur og að fara varlega þegar þau skottast um hverfið en slík fyrirmæli hafa lítið að segja þegar fullorðið fólk hagar sér svona.
Sýnum tillitsemi í umferðinni og höfum í huga að þetta er íbúðarhverfi fullt af börnum að leik. Við getum varla verið á það mikilli hraðferð að það geti kostað líf!