Forsíða Lífið Fólk heldur því fram að Avril Lavigne hafi DÁIÐ árið 2003! –...

Fólk heldur því fram að Avril Lavigne hafi DÁIÐ árið 2003! – En hver er þá þessi sem við þekkjum í dag?

Avril Lavigne er sennilega þekktust fyrir lagið „Sk8er boi“ sem sigraði heiminn árið 2002. Þetta lag var á toppi vinsældarlista í flestum löndum og varð Avril mjög fræg á stuttum tíma.

Tengd mynd

Fólk sem er mikið fyrir samsæriskenningar heldur því fram að Avril hafi dáið árið 2003 og tvífari hennar hafi tekið við keflinu. Þau segja að tónlistin hennar og rödd hafi breyst mikið með árunum og að það sé ekki vegna þess að bæði senan og fólkið breytist, heldur vegna þess að þetta sé bókstaflega ekki sama manneskjan.

Samkvæmt þeim sem halda þessu fram var Avril ekki mikið fyrir sviðsljósið og hataði athyglina sem hún fékk árið 2002. Hún réð tvífara til þess að mæta á hátíðir og svoleiðis staði þar sem ljósmyndarar voru. Þessi tvífari heitir Melissa.

Þau segja að Avril og Melissa hafi orðið mjög góðar vinkonur og Avril hafi kennt Melissu að syngja, tala og hegða sér eins og söngkonan. Þó það sé nú frekar langsótt að maður geti kennt manneskju að syngja eins og maður sjálfur.

En síðan árið 2003 dó afi hennar og þá átti Avril að hafa lent í miklu þunglyndi með þeim afleiðingum að hún hafi tekið sitt eigin líf. En í staðin fyrir að leyfa fjölskyldu hennar að syrgja í friði hafi umboðsmaður hennar og plötufyrirtæki ákveðið að nota Melissu áfram sem Avril.

Myndaniðurstaða fyrir avril lavigne

Þannig að samkvæmt þessu fólki dó Avril árið 2003 og Melissa er búin að lifa lífinu hennar í 14 ár. Allt frekar langsótt en hér eru nokkrar „sannanir“ sem að snillingarnir á Twitter hafa komið með til að rökstyðja mál sitt.