FOCUS verður frumsýnd föstudaginn 6. mars – Langar þig í miða?

FOCUS verður frumsýnd föstudaginn 6. mars – Langar þig í miða?

Focus-2015-Movie

Á föstudaginn næstkomandi frumsýna Sambíóin stórmyndina FOCUS. Myndin fór beint á toppinn í USA og við á Menn.is höfum beðið spenntir eftir frumsýningunni.

Langar þig að vinna ókeypis miða fyrir þig og þína í boði Menn.is og Sambíóanna?

Hér er á ferðinni létt og skemmtileg mynd sem allir geta haft gaman af enda líkleg til vinsælda. Handritshöfundar og leikstjórar eru þeir Glenn Ficarra og John Requa sem eiga m.a. að baki myndina Crazy, Stupid, Love. Í aðalhlutverkum eru þau Will Smith og ástralska leikkonan Margot Robbie, en hún vakti mikla og verðskuldaða athygli á síðasta ári þegar hún lék í The Wolf of Wall Street.

Will Smith leikur hér blekkingameistarann Nicky sem lifir góðu lífi á peningum þeirra sem honum hefur tekist að svindla á í gegnum árin. Dag einn hittir hann nýgræðinginn Jess Barrett þegar hún reynir með þokka sínum að blekkja hann og kúga síðan út úr honum pening ásamt samverkamanni sínum. Nicky fellur að sjálfsögðu ekki í gildruna en ákveður í framhaldinu að leyfa Jess að vinna með sér í nýjasta verkefni sínu og kenna henni um leið nýjustu trixin í bókinni.

Það á hins vegar eftir að reyna verulega á samstarfið þegar verkefnið fer að hluta til úrskeiðis á sama tíma og samband Nickys og Jess verður nánara en til stóð. En kannski er það bara hluti af fléttunni því eins og þeir segja í bransanum þá hættir blekkingameistarinn aldrei að blekkja…

Það eina sem þú þarft að gera ef þig langar ókeypis í bíó er að kommenta hér fyrir neðan, af hverju þú ættir að vinna og hvað þig langar að taka marga með þér! Ekki sakar svo að merkja vini þína á póstinn svo þeir viti nú hvað er í gangi!