Forsíða Húmor Ertu að hugsa um að fara á fast? – Þetta eru 10...

Ertu að hugsa um að fara á fast? – Þetta eru 10 einkenni frábærs kærasta!

Á vefsíðunni sykur.is birtist nýlega greinin „Hver eru einkenni frábærs kærasta?“ og má þar finna fræðandi upplýsingar eins og að frábær kærasti sé áreiðanlegur og áhugaverður. Við á Menn teljum okkur sterk þegar kemur að öllum ráðleggingum varðandi sambönd ogákváðum því að leggja orð í belg. Hér eru okkar 10 merki um að þú eigir góðan kærasta.

 

1. Þegar hann heldur framhjá þér þá gerir hann það með stelpu sem er ófríðari en þú. Það er mikilvægt að kærastinn þinn beri virðingu fyrir þér og ef hann heldur framhjá þér með stelpu sem er mjög falleg gerir hann það greinilega ekki.

2. Hann skilur óhreina þvottinn eftir inni í þvottahúsi en ekki út um allt hús. Þetta er aftur spurning um virðingu!

3. Þegar hann heimtar að fá lánaðan pening þá segir hann takk. Þegar hann er búinn að eyða öllum sínum pening í bjór og þarf að þrauka síðustu viku mánaðarins með láni frá þér þá þarf hann samt að segja takk þegar hann fær peninginn.

4. Hann segir þér aldrei að halda kjafti. Það er leiðilegt að vera alltaf sagt að halda kjafti. Góður kærasti sussar bara vinalega á þig ef þú ert of hávær eða hann er ekki tilbúin til að hlusta á þig tala lengur.

5. Þegar þú ferð að gráta þá spyr hann þig hvað sé að. Margir kærasta hundsa grátandi kærustur og þú veist að þú hefur fundið hinn eina rétta ef hann spyr þig hvað hafi gerst.

6. Hann segir aldrei við þig að þú sést feit. Ef þú ert feit er samt skiljanegt að hann þurfi að tala um það við einhvern. Ekki vera reið ef þú fréttir að hann sé að tala um það við vini sína, vertu frekar glöð því það þýðir að hann er að hlífa tilfinningum þínum.

7. Hann vistar númerið þitt í símanum sínum. Margir kærastar muna ekki númerið hjá kærustunum sínum og vista þau ekki þannig að þeir hringja aldrei í þær. Ef þinn hringir ertu búin að ná þér í góðann gaur.

8. Hann er ekki freðinn þegar þið farið í mat til foreldra þinna. Ef hann er alltaf freðinn þá sleppir hann því samt að reykja þegar þið hittið foreldra þína vegna þess að hann vill ekki gera sig að fífli.

9. Hann segist stundum elska þig þó hann sé ekki fullur. Hann segir það oft þegar hann er fullur og á eiturlyfjum en hann meinar það bara þegar hann er edrú.

10. Hann sleppir því að fara á djammið til að vera heima að leyfa þér að horfa á sig spila tölvuleiki. Hann veit að hættan á því að hann haldi framhjá þér margfaldast þegar hann fer í bæinn og þessvegna er hann stundum heima með þér.