Forsíða Bílar og græjur Erlendir ferðamenn á OFSAHRAÐA á Suðurlandi – Lögreglan svipti einn sem var...

Erlendir ferðamenn á OFSAHRAÐA á Suðurlandi – Lögreglan svipti einn sem var að drífa sig á hótelið!

Lögreglan á Suðurlandi sagði frá því á Facebook að erlendir ferðamenn hefðu ekið á ofsahraða í gær og að einn þeirra hefði verið sviptur ökuréttindum á staðnum.


Erlendur ferðamaður á bílaleigubifreið var stöðvaður seint í gærkvöldi á Suðurlandsvegi í Eldhrauni skammt vestan Kirkjubæjarklausturs en hann mældist á 164 km hraða þar sem hámarkshraði er 90 km á klst. Ökumaðurinn var sviptur ökuréttindum á staðnum en sektargerð verður gerð vegna málsins.

Ökumaðurinn gaf þá skýringu á ökuhraða sínum að hann væri orðinn alltof seinn á hótelið þar sem hann og ferðafélagi hans höfðu pantað næturgistingu. Farþegi bifreiðarinnar var með gild ökuréttindi og gat því tekið við akstri bifreiðarinnar.

Örfáum mínútum áður hafði annar erlendur ferðamaður verið stöðvaður á sama vegarkafla á 140 km á klst.