Forsíða Lífið Ætlaði að hætta að vinna en fær nú borgað fyrir að sofa...

Ætlaði að hætta að vinna en fær nú borgað fyrir að sofa hjá vændiskonum

We Heart It

Það er lítill hópur „einkaspæjara“ í Ástralíu sem fá laun fyrir að koma upp um leynileg vændishús – Eða fyrirtæki sem bjóða í leyni upp á kynferðislega þjónustu.

Einn þessara einkaspæjara gengur undir dulnefninu John. Hann er 60 ára gamall og hættur að vinna. John er fráskilinn og tók nýlega að sér þessa sérstöku og einstaklega krefjandi vinnu þar sem hann kemur upp um ólöglega kynlífssölu.

John sagði í viðtali við Ástralska fréttastofu að ef lögreglan fær ekki leitarheimild á ákveðnum stöðum er hringt í hann. Hann fær borgað frá yfirvöldum fyrir að heimsækja þessa staði og athuga hvort þar sé um vændishús að ræða – Oftar en ekki þarf hann að stunda kynlíf með vændiskonunum – Og fyllir síðan út ítarlegar skýrslur um verð og fjölda starfsmanna á stofunum.

John segir afar mörg fyrirtæki af þessu tagi vera í Ástralíu sem oftar en ekki séu dulbúin sem nuddstofur.

„Ímyndaðu þér hvað gerist þegar einkennisklæddir lögreglumenn ganga inn á stofurnar. Konurnar ganga svo sannarlega ekki að þeim og bjóða þeim upp á dans eða „einn snöggann“.

Svo þar stíg ég inn“.

John leggur greinilega mikið á sig til þess að gera samfélagið að betri stað fyrir okkur öll …

Og hann segist ekki einu sinni gera þetta fyrir peningana.

„Ég er ekki að keyra um á Porche eða neitt svoleiðis. Við erum ekki að tala um háar upphæðir í þessu starfi. En ég er samt sem áður að fá borgað fyrir að gera eitthvað sem flestir karlmenn borga háar fjárhæðir fyrir“.